MANUNGSA SERAKAH, LINGKUNGAN BUBRAH
Manungsa lan lingkungan iku 2 perkara
kang tansah nduweni gegayutan lan ora bisa dipisah siji lan liyane.Manungsa
njupuk maneka warna sumber saka alam kanggo panguripanne.semana uga alam uga
perlu diopeni dening manungsa.Yen salah siji saka perkara 2 iki mau uwal saka
paugeran kang samesthine,mangkone bakal agawe bebendu kang bisa ngrusak tatanan
alam lan manungsa uga.Nanging,yen dicermati kanthi permati,kang luwih akeh
ngrusak tatanan alam iku manungsa.Amarga serakahe,andadeke manungsa mau ilang
pangrasane marang alam sekitar.Dampakke,alam walik murka marang manungsa,lan
maneka warna bebendu kayata banjir,longsor,lan liya-liyane balik nrajang
manungsa.Yen wis kaya mengkono mau,manungsa lagi gelem sadar marang kaluputan kang
wus ditumindakake.
Pramila mligine manungsa kang kudune
bisa njaga lan ngupakara lingkungan,kula panjenengan kudu ngerti lan kersa
anindakake prinsip-prinsip etika lingkungan.Utawa luwih jelase kepiye carane
duwe gegayutan kang apik karo lingkungan lan kepiye carane ngupakara lingkungan
kang bener.Prinsip-prinsip iki mau cacahe ana 9,yaiku:
1) Hormat,iki
ateges manungsa kudu nduweni rasa hormat marang alam minangka karya agunging
gusti kang akarya jagad.Carane bisa kanthi ora sawenang-wenang yen angulah alam.Ngrusak
alam bisa diarani ora ngurmati karyaning gusti.
2) Tanggung
Jawab,ateges manungsa diciptakake dening gusti sepisan
kanggo ibadah kapindhone minangka khalifah ing donya kang nduweni tuga njaga
lan ngupakara alam saisine.Manungsa oleh njupuk apa wae saka alam ananging
tetep nduweni tanggung jawab babagan lestarining linkungan.
3) Solidaritas,ateges
manungsa lan alam kudu nduweni tepa slira.Manungsa kudu gelem mikir yen alam
kuwi ora kanggo dieksploitasi sakepenake dhewe,ananging kudu nduweni rasa
solidaritas yen weruh alam kang mulai rusak kudu gelem amulihake kaya maune
amrih alam uga bisa menehi manfaat kanggo manunungsa.
4) Kasih
Sayang,ateges alam iku uga butuh ditresnani lan
disayangi.Ananging kasih saying mau ora kaya tresna tumrape manungsa,Rasa tresna
mau bisa awujud ora ngrusak lingkungan,njaga asrine lingkungan lan liyane.
5) Ora
agawe rugi,ateges manungsa bisa manfaatake apa wae kang ana
ing alam,ananging kanthi imbal balik alam uga kudu diopeni kanthi premati
dening manungsa.Aja nganti manungsa bisane amung njupuki sari-sarine alam
ananging wegah mbalekake kaya maune.Iki kang bakal gawe rugining linkungan lan
uga gawe rugi manungsa sasamane.
6) Urip
Prasaja,ateges urip iku ora kudu abyor dening maneka warna
banda donya kang amung pengin disawang dening manungsa liyane.Nanging,urip iku
becike bisa manfaatke apa wae kang ana ing alam lan urip sesandhingan kanthi
apik karo alam.
7) Keadilan,ateges
kula panjenengan anggone ngrasakake manfaat saka alam uga kudu dilandhesi
dening rasa adil marang sasama.Aja Nganti njupuk manfaate saka alam amung
kanggo nyukupi kapentingane dhewe tanpa mikirke wong liya.Kula panjenengan kudu
bisa mikir piye carane mbagi manfaat saka alam mau kanthi cara adil marang
sasama.
8) Demokratis,ateges
kula panjenengan dibebasake anggone nyuwarakake apa bae babagan
lingkungan,utamane bab pelestarian lingkungan.Oleh wae paring atur panyaruwih
yen nemahi perkara kang gegayutan karo lingkungan.
9) Integritas
moral,ateges kula panjenengan kudu bisa nata pamikir lan
uga moral kanthi pamikiran,kula panjenengan iki urip sesandhingan karo alam lan
manungsa liyane.Kula panjenengan kudu nduweni pamikir kepiye supayane manungsa
lan alam iku padha-padha entuk manfaat saka siji lan liyane.Kanthi cara pamikir
kang logis kanthi lelandhesan moral kang becik.
Kaya
mangkono mau andharan ing nduwur babagan etika lingkungan utawa gegayutan kang
becik karo linkungan kanthi pangajab,kula panjenengan bisa nduweni sikap lan
pamikiran kang luwih becik tumrap lestarine lingkungan.Amarga kula panjenengan
iki kinarya ciptaane gusti kang dadi wakil gusti ing alam donya kang tinitah dening gusti kanggo ngupakara
alam lan saisine.
##MATUR NUWUN##
Online Casino Site | ⚡️️ Bonus Codes - ChoJu Casino
BalasHapusThe best online 메리트카지노 casinos ⚡️ List worrione of all the latest ⚡️ online casinos ⚡️ ✓ New 카지노사이트 & Existing Players Only.