Swaraning Ati

SWARANING  ATI

dening : Melanti Rizkiyah

Kanthi sumilire angin wengi iki

Anggawa gandaning kembang asmara

Kang tansah hangambar aroma wangi

Puspaning ati kang lagi ketaman asmara

Binarung swara gendhinging hyang widhi

Sinandhing swara ing jero atiku iki

Hambabar angkasa raya

Hanggeterake ambaning bhumipala

Kanthi sineksen langit lan bumi

Tan bisa cinidra,tan bisa kasuda

Tresnaku amung siji ing ati iki

Amung kanggo sliramu nimas

Pangajabku,,,,dhuh pepujaning ati

Sliramu bisa nampa puspa tandha tresna iki

Sanajan aku iki mung wong papa

Nanging tresna iki tanpa upama